काठमाडौं । नेकपा (एमाले)का नेता डा. भीम रावलले इम्बोस्ड नम्बर जडान नगर्ने घोषणा गरेका छन । तथा प्रतिनिधिसभाका सांसदसमेत रहेका रावलले आज राज्यका निर्देशक, नीति र दायित्वको कार्यान्वयन, अनुगमन तथा मूल्याङ्कन समितिमा बोल्दै यस्तो घोषणा गरेका हुन् ।

जबसम्म राज्यले इम्बोस्ड नम्बरसँग सम्बन्धी उठेका सबै प्रश्नको जवाफ दिँदैन तबसम्म यो नम्बर प्लेट जडान नगर्ने अडान उनले राखेका छन् ।
‘जबसम्म राज्यले इम्बोस्ड नम्बरबारे उठेका सबै विषयको जवाफ दिँदैन तबसम्म यो नम्बर प्लेट जडान गर्दिन,’ उनले भने ।

नेता रावलले इम्बोस्ड नम्बर नहाल्दा सरकारले जेल हारे आफू जति वर्ष पनि जान तयार रहेको बताएका छन् । ‘जति वर्ष जेल हाल्छ हालोस्, म इम्बोस्ड नम्बर जडान गर्दिन’ उनले भने ।

इम्बोस्ड नम्बर प्लेटमा गुणस्तरसमेत नभएको र घोटालाको गन्ध आएको बताउँदै उनले जडान नगर्ने घोषणा गरेका हुन् ।

रावलले यसअघि संसद्मा पनि यो विषयको उठान गरेका थिए ।