काठमाडौं । नवनियुक्त मन्त्रीहरूको शपथ आज हुने भएको छ । आइतबार एकीकृत समाजवादीबाट नियुक्त चार मन्त्री र एक राज्य मन्त्रीको सोमबार बिहान शपथ हुने भएको हो ।

राष्ट्रपति कार्यालय स्रोतका अनुसार, शपथका लागि बिहान ११ बजेको समय तय भएको छ ।

प्रधानमन्त्री शेरबहादर देउवाले आइतबार सहरी विकासमा मेटमणि चौधरी, संस्कृति, पर्यटन तथा नागरिक उड्डयनमा जीवनराम श्रेष्ठ, श्रम तथा सामाजिक सुरक्षामा शेरबहादुर कुँवर र स्वास्थ्यमा भवानी खापुङ नियुक्त गरेका थिए । हीराचन्द्र केसीलाई स्वास्थ्य राज्यमन्त्रीको जिम्मेवारी दिइएको छ ।

नेकपा एकीकृत समाजले केही साताअघि नै पार्टीका तर्फबाट सहभागी मन्त्री हेरफेर गरिदिन आग्रह गरेका थिए । तर त्यसअनुरूप पुनर्गठन नहुँदा एकीकृत समाजवादी प्रधानमन्त्रीसँग रुष्ट बनेको थियो ।