काठमाडौं । अभिनेत्री सुरक्षा पन्त, अभिनेता नरेन खड्का र विराज विष्टको मुख्य भूमिका रहेको चलचित्र बुलाकी कात्तिक १८ बाट प्रदर्शनमा आउने भएको छ ।

जारी प्रथामा आधारित भएर निर्माण भएको फिल्मको बुधबार एक पोस्टर सार्वजनिक गर्दै प्रदर्शन मिति घोषणा गरिएको हो ।

टोपेन्द्र बिष्टले निर्माण गरेकाे चलचित्रकाे निर्देशन लक्ष्मण सुनारले गरेका छन् । स्वं. मोति बिष्ट प्रस्तुतकर्ता रहेको फिल्मको छायांकन विकट क्षेत्र डोल्पा, जाजरकोट र रुकुमका विभिन्न स्थानमा भएको हो ।

फिल्ममा प्रकाश कँडेल, रमेश बुढाथोकी, सुशील पोखरेल, लक्ष्मी गिरी, कुलदीप अधिकारी, झलनाथ खत्री, सरस्वती खत्रीलगायतका कलाकारहरुको पनि महत्त्वपूर्ण भूमिका छ ।