काठमाडौं । नेकपा विभाजनपछि कतै पनि नखुलेका वामदेव गौतमले नयाँ पार्टी गठन गरेका छन् । पार्टी गठन गरेलगत्तै उनले एमाले अध्यक्षे केपी ओलीसँग भेट गरेका छन् ।

ओलीसँग भेट गर्न गौतम उनको निवास बालकोट पुगेका थिए । उनीहरूको भेटपछि सार्वजनिक भएको फोटोमा दुवैजना हँसिलो देखिन्छन् ।

गौतमले ओलीलाई वाम गठबन्धन बनाएर आगामी प्रतिनिधिसभा र प्रदेशसभाको चुनाव लड्न प्रस्ताव गरिएको बताइएको छ ।

गौतमले केही दिन अघि नेपाल कम्युनिष्ट पार्टी एकता राष्ट्रिय अभियान पार्टीको घोषणा गरेका थिए ।