नगरप्रहरीले जबर्जस्ती गाडा खोसेका आचार्यलाई कांग्रेस नेताले गरे ५१ हजार रुपैयाँ सहयोग
काठमाडौं । बालुवाटारमा सडक किनारामा मकै पोलेर जीविका चलाउँदै आएका सिन्धुपाल्चोकका चन्द्रनाथ आचार्यको गाडा खोसिएपछि कांग्रेस नेता मोहनबहादुर बस्नेतले उनलाई ५१ हजार रुपैयाँ आर्थिक सहयोग गरेका छन् ।
सडक व्यापार गरेको भन्दै दुई दिन अघि काठमाडौं महानगरपालिकाको नगरप्रहरीले पोल्न ठिक्क पारेको मकै र गाडा नै जबर्जस्त उठाएर लगेको थियो ।
जसको अहिले तीव्र आलोचना भएको छ । उनै आचार्यलाई कांग्रेस नेताले आर्थिक सहयोग गरेका हुन् ।
बस्नेत पनि सिन्धुपाल्चोकबाट प्रतिनिधित्व गर्छन् ।
अनि त्यो फुट पाथ ले गर्दा सडक दुर्घटना भयो भने नि कति दिने खाते नेता?