काठमाडौं । यो वर्षको जुन महिनामा झण्डै ४७ हजार पर्यटक नेपाल भित्रिएका छन् । हालै पर्यटन बोर्डले सार्वजनिक गरेका तथ्यांहअनुसार सन् २०२२ को जुनमा ४६ हजार ९ सय ५७ जना पर्यटक नेपाल भित्रिएका हुन् ।

कोरोना महामारी सुरु हुन अघि सन् २०१९ को जुन महिनामा नेपाल भित्रिने पर्यटकको संख्या ६१ हजार ३ सय ५१ थियो ।

त्यसमा सबैभन्दा धेरै पर्यटक सार्क मुलुकबाट आएका छन् । सार्क राष्ट्रबाट नेपाल आउने पर्यटकको संख्या २६ हजार ३० रहेको छ । त्यस्तै, एसियन मुलुकबाट दुई हजार तीन सय ६९ पर्यटकले नेपाल भ्रमण गरेका छन् । यूरोपियन मुलुकबाट नेपाल आउने पर्यटकको संख्या एक हजार पाँच सय ४९ रहेको छ ।

त्यस्तै अमेरिका र क्यानडाबाट ८ हजार ९ सय ८० र अन्य मुलुकबाट तीन हजर दुई सय ४२ जना पर्यटक नेपाल आएका छन् । बोर्डको तथ्यांक अनुसार सन् २०२२ को हालसम्म(६ महिनामा) दुई लाख ३७ हजार ६ सय ९३ जना पर्यटक नेपाल आएका छन् ।