बजेट निर्माण प्रक्रियामा हाम्रो कुनै संलग्नता छैन : चौधरी ग्रुप

सिद्धबाबा सुरुङमार्गमा ‘इन्भर्ट’ निर्माणको काम सकियो

नेपालवाच २०७९ असार २२ गते १५:०३

काठमाडाैं । चौधरी ग्रुपका प्रबन्ध निर्देशक निर्वान चौधरीले बजेट निर्माण प्रक्रियाको समयमा ग्रुपको कुनै संलग्नता नरहेको प्रष्ट पारेका छन् । बुधबार उनले ट्वीट गर्दै सो कुरा स्पष्ट पारेका हुन् ।

उनले चौधरी ग्रुपलाई जोडेर सामाजिक सञ्जालमा आएका कुराहरुप्रति ध्यानाकर्षण भएको उल्लेख गर्दै बजेट निर्माण प्रक्रियामा कुनै चासो र सरोकार नभएको पनि बताएका छन् ।

उनले लेखेका छन्, ‘यस मामिलामा हाम्रो संलग्नताको बारेमा विना आधार केही सञ्चारमाध्यम र सामाजिक सञ्जालमा टिप्पणी गर्ने महासयहरुप्रति हामी खेद व्यक्त गर्दर्छौ । साथै उहाँहरुले लगाउनुभएको आरोपको पुष्टि गर्न हामी चुनौती दिन्छौँ ।’

साथै उनले यस विषयमा सत्यतथ्य के हो छानविन गर्न सम्बन्धित निकायलाई अनुरोध गरेका छन् । आरोप पुष्टि भएमा सजाय भोग्न तयार हुने पनि उनले उल्लेख गरेका छन् ।