NepalWatch

News Portal For Eeverything In Nepal from Nepal

२०८१ असार ३० गते

गोली लागेका जापानी पूर्वप्रधानमन्त्री आबेको निधन

काठमाडौं । गाेली लागेर घाइते भएका जापानका पूर्वप्रधानमन्त्री शिन्जो आबेको निधन भएकाे छ । उनको नारा सहरको एक अस्पालमा उपचारका क्रममा निधन भएको जापानकाे सरकारी मिडिया एनएचकेले पुष्टि गरेकाे छ ।

जापानमा सबैभन्दा लामो समयसम्म प्रधानमन्त्री बनेका ६७ वर्षीय आबेलाई चुनावी भाषण दिने क्रममा शुक्रबार गोली प्रहार गरिएको थियो ।

आबेको घाँटीको दाहिने भाग र बायाँ कुममा गोली लागेको नारा सहरको दमकल विभागले पुष्टि गरेको छ । अधिकारीहरूले आबेलाई छाती र घाँटीमा गोली लागेका कारण आन्तरिक रक्तस्राव भएको यसअघि बताएका थिए ।

पत्रकार सम्मेलनमा डाक्टरले आबेको उपचारमा चिकित्सकहरूले साढे चार घण्टा बिताएको बताएका छन् । रक्तस्राब रोक्ने प्रयास गर्दै चिकित्सकहरुले उनलाई १०० युनिटभन्दा बढी रगत चढाएको पनि बताए । चिकित्ककहरुले उनको शल्यक्रिया गर्दा गोली फेला पार्न नसकेको र शरीरको दुई भागमा घाउ लागेको पनि बताएका छन् ।

संदिग्ध आक्रमणकारी ४१ वर्षको पुरुषलाई प्रहरीले गिरफ्तार गरेको छ ।

आबेले स्वास्थ्यको कारण देखाउँदै सन् २०२० मा प्रधानमन्त्री पदबाट राजीनामा दिएका थिए । उनलाई पेटसम्बधी रोग लागेको थियाे ।

आबे लिबरल डेमोक्रेटिक पार्टीका पूर्वअध्यक्ष हुन् ।

उनी दुईपटक प्रधानमन्त्री भएका थिए । सन् २००६ देखि ०७ सम्म उनी पहिलोपटक प्रधानमन्त्री भए । त्यसपछि २०१२ देखि २० सम्म करिब ८ वर्ष उनी प्रधानमन्त्री बनेका थिए ।

 

यीनै हुन् जापानका पूर्वप्रधानमन्त्री आबेलाई गोली प्रहार गर्ने व्यक्ति

 

यसरी गोली प्रहार भएको थियो जापानका पूर्वप्रधानमन्त्री आबेमाथि [भिडियोसहित]