NepalWatch

News Portal For Eeverything In Nepal from Nepal

२०८० चैत १५ गते

गभर्नर प्रकरणमा घनश्यामको प्रष्टीकरण : सार्वजनिक पद धारण गरेका व्यक्ति पार्टी विभागमा रहँदैनन्

काठमाडौं । एमालेका अर्थ तथा योजना विभाग प्रमुख घनश्याम भुसालले पार्टी कमिटी र विभागहरूमा सार्वजनिक पद धारण गरेका व्यक्तिहरू नरहने स्पष्ट पारेका छन् ।

राष्ट्र बैंकका गर्भनर महाप्रसाद अधिकारी एमालेको अर्थ तथा योजना विभागमा आवद्धता रहेको विषय सार्वजनिक भएपछि अधिकारीको चौतर्फी आलोचना भएको छ । विवाद उत्पन्न भएपछि बुधबार सामाजिक सञ्जाल फेसबुकबाट विभागका प्रमुख भुसालले स्पष्टिकरण दिएका हुन् ।

पार्टीको विभागमा गर्भनर अधिकारी संलग्न रहेको विषयमा आफूसँग धेरैले चासो राखेको भन्दै उनले सार्वजनिक पद धारण गरेका व्यक्ति पार्टी कमिटी वा विभागमा राख्ने नीति र विधानमा नरहेको उल्लेख गरेका छन् ।

‘पहिलो त, स्वयम् गभर्नर महाप्रसाद अधिकारीले ’कुनै पार्टी राजनीतिमा आफ्नो संलग्नता नरहेको र उक्त व्यक्ति पनि आफु नभएको’ स्पष्ट पारिसक्नुभएको छ’, भुसालले लेखेका छन्, ‘दोस्रो, हाम्रा कमिटी र विभागहरुमा त्यस्ता सार्वजनिक पद धारण गरेका व्यक्तिहरू रहने वैधानिक व्यवस्था पनि नभएको कुरा जानकारी गराउन चाहान्छु ।’

भुसाल प्रमुख रहेको विभागको सदस्यमा एम अधिकारी खोटाङ उल्लेख गरेको छ । कोडमा लेखिएको उक्त व्यक्ति गर्भनर अधिकारी हो वा होइन भन्ने विषयमा उनले प्रष्टिकरण दिएका हुन् । एमालेले पार्टीको पछिल्लो बैठकका निर्णय समेटेर असार २६ मा अपानी–४ सार्वजनिक गरेको थियो ।

म प्रमुख रहेको नेकपा (एमाले), अर्थ तथा योजना विभागमा गभर्नर महाप्रसाद अधिकारीको संलग्नता बारे मसँग समेत धेरै जनाले चासो र जिज्ञासा राख्नुभएको छ ।
प्रथमत:, स्वयम् गभर्नर महाप्रसाद अधिकारीले ‘कुनै पार्टी राजनीतिमा आफ्नो संलग्नता नरहेको र उक्त व्यक्ति पनि आफु नभएको’ स्पष्ट पारिसक्नुभएको छ।
दोस्रो, हाम्रा कमिटी र विभागहरुमा त्यस्ता सार्वजनिक पद धारण गरेका व्यक्तिहरु रहने वैधानिक व्यवस्था पनि नभएको कुरा जानकारी गराउन चाहान्छु ।

ताजा अपडेट

नेपालवाच विशेष