काठमाडौं । थप ६ जना बालबालिकालाई हैजा पुष्टि भएको छ । योसँगै काठमाडौंमा हैजा संक्रमितको संख्या २७ पुगेको छ । नयाँ संक्रमित हुनेमा ६ जना १४ वर्षमुनिका बालबालिका रहेको तथा त्यसमध्ये ३ जना ५ वर्षमुनिका शिशु रहेको छन् ।

इपिडिमियोलोजी तथा रोग नियन्त्रण महाशाखाका अनुसार अहिलेसम्म हैजा काठमाडौं महानगरपालिकामा ११, कागेश्वरी मनोहरामा ८, चन्द्रागिरीमा २, बुढानीलकण्ठमा १ र कीर्तिपुरमा १ जना देखिएका छन् ।

त्यस्तै, भक्तपुरका चाँगुनारायण नगरपालिकामा १, सूर्यविनायकमा १, ललितपुरमा २ जनामा हैजा पुष्टि भएको छ ।