काठमाडौं । नेपाल नागरिक उड्डयन प्राधिकरणले ५० अर्बभन्दा बढी लगानी गरेर निर्माण गरेका १९ विमानस्थल हाल सञ्चालनमा छैनन् । प्राधिकरणले कालोपत्रे सर्फेस भएका ३, ग्राभे सर्फेस भएका ४, माटे सर्फेस भएका १२ समेत १९ विमानस्थल निर्माणका लागि ५० अर्ब १९ करोड १७ लाख रुपैयाँ लगानी गरेको महालेखापरीक्षकले उल्लेख गरेका छ ।

महालेखाको ५९ औं वार्षिक प्रतिवेदनमा जनाइएअनुसार ती सबै विमानस्थलमा हवाई यातायत सञ्चालन भएका छैनन् ।

यीमध्ये धवानमार्ग कालोपत्रे भएका बाह्रै महिना सञ्चालनमा ल्याउन सकिने बाग्लुङ, मनाङ, इलामको सुकिलुम्बा र टीकापुर विमानस्थल पनि सञ्चालनमा आउन सकेका छैनन् ।

निर्माणपछि सञ्चालनमा ल्याउन नसक्नुमात्रै होइन, प्राधिकरणसँग यी विमानस्थलको परिचानका लागि कुनै व्यावसायिक योजना नभएको महालेखाले औंल्याएको छ ।

विमानस्थल निर्माण गर्दा राज्यले गरेको लगानीको प्रतिफल प्राप्त गर्ने र उक्त क्षेत्रका यात्रुहरूलाई हवाईं यातायातको सुविधाको प्रबन्ध गर्नेतिर ध्यान दिन प्राधिकरणलाई महालेखाको सुझाव छ ।

प्राधिकरणले ध्यान नदिँदा सञ्चालनमा नआएका विमानस्थलमा कतै घर बने, कतै धावनमार्गबाटै बाटो