पश्चिम नवलपरासी । लामो समयसम्म पानी नपरेपछि पश्चिम नवलपरासीको सरावल गाउँपालिकाका किसानले गाउँपालिका अध्यक्ष र वडाध्यक्षहरुलाई बाँधेर इन्द्रको पूजा गरेका छन् ।

पानी नपरेर खडेरी परेपछि त्यहाँका किसानले  क्षमापूजासहित पानी पारिदिन भन्दै इन्द्रको पूजा गर्ने मान्यता अनुसार सो विधि अपनाएका हुन् ।

त्यहाँका स्थानीय बासिन्दाका अनुसार मन्दिरमा जनप्रतिनिधिलाई लगेर बाँधेर पूजा गर्ने र पानी छ्याप्ने गरेका छन् । धार्मिक मान्यताअनुसार नै यो पूजा गरिएको गाउँपालिका अध्यक्ष सुखाडीप्रसाद चौधरीले बताए ।