काठमाडाैं । काठमाडौं महानगरपालिकाका मेयर बालेन्द्र शाहले भ्रामक समाचार सम्प्रेषण गरेको भन्दै नेपाल समाचारपत्र र हिमालय टिभीविरुद्ध प्रेस काउन्सिलमा उजुरी दिएका छन् ।

मंगलबार एक विज्ञप्ति जारी गर्दै आर्थिक वर्ष २०७९/८० मा काठमाडौं महानगरपालिकाले अमुक संस्थालाई बजेट विनियोजन गर्न लागेको भन्ने तथ्यहीन समाचार प्रकाशन गरेकोप्रति महानगरको ध्यानाकर्षण भएको बताएका छन् ।

उनले विज्ञप्ति सार्वजनिक गर्दै लेखेका छन्, ‘पुर्वाग्रहपूर्ण प्रतिपक्ष र भ्रामक सूचनाले पत्रकारिताको गरिमा र महत्वलाई स्थापित गर्न सक्दैन । लोकतन्त्र र कानुनको पालना सबैले गर्नु पर्छ । यसैले केहि पहिले आएका भ्रामक समाचारहरुका लागि कानुन बमोजिम कारबाहीको गर्न प्रेस काउन्सिलमा उजुरी दर्ता गराएका छौँ ।’