काठमाडौं । सुनको मुल्य तोलामा एक हजार रूपैयाँले घटेर ९३ हजार रुपैयाँमा कारोबार भइरहेको सुनचाँदी व्यवसायी महासंघले जनाएको छ ।

महासंघका अनुसार बुधबार छापावल सुनको मुल्य प्रतितोला ९४ हजार रुपैयाँमा कारोबार भएको थियो । त्यस्तै आज तेजावी सुन प्रतितोला ९२ हजार ५ सय रुपैयाँ कायम रहेको छ ।

बुधबार ५ रुपैयाँले बढेर ११ सय ६५ रुपैयाँमा कारोबार भएको चाँदी आज तोलामा १० रुपैयाँले घटेर ११ सय ५५ रुपैयाँमा कारोबार भइरहेको हो ।