काठमाडौं । सत्तारुढ दल नेकपा (माओवादी केन्द्र)का संसदीय दलका प्रमुख सचेतक देव गुरुङले अमेरिकी राज्य साझेदारी कार्यक्रम (एसपिपी) अर्कै नाम राखेर ब्युँताउने कोशिस भइरहेको बताएका छन् ।

बिहीवार बसेको प्रतिनिधिसभा बैठकको विशेष समयमा बोल्दै उनले नेपालले एसपिपी स्वीकार नगर्ने भनेपछि त्यही विषय राखेर अर्को नाममा सम्झौता गर्न खोजेको आशंका व्यक्त गरे ।

सांसद गुरुङले एसपिपीबारे मन्त्रिपरिषद्ले गरेको निर्णय पत्राचार गर्न परराष्ट्र मन्त्रालयको ध्यानाकर्षणसमेत गराए । उनले यसबारे सरकारलाई रुलिङ गर्न सभामुखको ध्यानाकर्षण गराएका हुन् ।

मन्त्रिपरिषद्ले गरेको निर्णय कार्यान्वयन गर्न परराष्ट्र मन्त्रालयले आनाकानी गरेको भन्दै उनले आपत्तिसमेत जनाए ।