काठमाडौं । ठगी गरेको आरोपमा बुटवलको एक कल सेन्टरबाट प्रहरीले डेढ सयभन्दा बढी युवायुवती प्रक्राउ गरेको छ ।

रुपन्देहीको तिलोत्तमा नगरपालिका वडा नं. २ मा रहेको ब्लु स्काइ कल सेन्टरमा छापा मारेर प्रहरीले ७ जना सञ्चालकसहित डेढ सय युवायुवतीलाई पक्राउ गरेको हो ।

उनीहरूले सर्वसाधारणलाई म्यासेज पठाएर ट्रयापमा पारेको अनुसन्धानबाट भेटिएको प्रहरीको दाबी छ । प्रहरीका अनुसार उनीहरूले जानकीनगरमा ३ वटा फ्ल्याट भाडामा लिइ कार्यालय नै राखेर ठगी धन्दा चलाएका थिए । सो कार्यालयमा विदेशी नागरिकको लगानी रहेको बताइएको छ ।

सर्वसाधारणको मोबाइलमा ह्वाट्सप, फेसबुकलगायत सामाजिक सञ्जालमा चिट्ठा प¥यो भन्दै म्यासेज पठाउने, अश्लील सन्देश पठाउने र ठगी गर्ने गरेको प्रारम्भिक अनुसन्धानबाट पाइएको प्रहरीले जनाएको छ ।