पहिराले अछाममा घर पुरियाे, तीनको मृत्यु, एक घाइते

म्याक्स टाइगरको क्यान खोल्दा चम्कियो भाग्य, तिन जनाले जिते बाइक र स्कुटर !

पहिराले अछाममा घर पुरियाे, तीनको मृत्यु, एक घाइते — प्रतीकात्मक तस्बिर

नेपालवाच २०७९ साउन ९ गते ९:३२

डोटी । अछामको तुर्माखाँद गाउँपालिका–२, भुलुमा गएराति पहिरो खस्दा तीन जनाको मृत्यु भएको छ ।

अछामका प्रमुख जिल्ला अधिकारी विश्वराज मरासेनीका अनुसार घरभित्र सुतिरहेका तीन जनाको पहिरोबाट मृत्यु भएको हो । मृत्यु हुनेमा दुई जना पुरुष र एक महिला छन् ।

उनीहरूको परिचय खुल्न बाँकी छ । त्यसैगरी घाइतेको उद्धार गरी प्राथमिक स्वास्थ्य केन्द्र भुलुमा उपचार भइरहेको प्रहरीले जनाएको छ ।

दुर्गम क्षेत्र भएकाले त्यहाँ सम्पर्क हुन कठिन भइरहेको प्रहरीले जनाएको छ । घटनास्थलमा गएराति नै प्रहरीको टोली खटिए पनि अझै पुग्न नसकेको जिल्ला प्रहरी कार्यालय अछामले जनाएको छ ।