काठमाडौं । भदौ १० गतेबाट प्रदर्शनमा आउने चलचित्र राधा (द सेक्रेट अफ राधा) को ट्रेलर सार्वजनिक भएको छ । सुवर्ण थापाले लेखन तथा निर्देशन गरेको चलचित्रको ट्रेलर आइतबार सार्वजनिक गरिएको हो ।

उक्त चलचित्रमा प्रमुख भुमिकामा सृष्‍टि श्रेष्ठलाई देख्न सकिन्छ भने चलचित्रमा सृष्‍टिबाहेक सौगात मल्ल, दयाहाङ राई, खगेन्द्र लामिछाने, निश्चल बस्नेत, दिव्य देव, बुद्धि तामाङ, मेनुका प्रधान लगायतको पनि अभिनय रहेको छ ।

विदेश गएर सम्पर्कविहीन भएको श्रीमानको पर्खाइमा रहेकी गर्भवती महिला राधाको कथा चलचित्रमा चित्रण गरिएको छ ।