काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्ड र नेकपा एकता राष्ट्रिय अभियानका संयोजक वामदेव गौतमबीच भेटवार्ता भएको छ ।

दुई नेताबीच प्रचण्ड निवास खुमलटारमा सोमबार साँझ करिब आधा घण्टा भेटवार्ता भएको हो ।

प्रचण्ड र गौतमबीच समाजवादी केन्द्र बनाउने विषयमा छलफल भएको बताइएको छ ।

नेकपा विभाजनपछि केही समय मौन बसेका गौतमले केही समयअघि मात्रै एकता अभियान घोषणा गरेका थिए ।

यता, प्रचण्ड पनि बेला–बेला समाजवादी केन्द्रको कुरा उठाउने गर्छन् । यसै मेसोमा उनले केहीदिनअघि डा. बाबुराम भट्टराईसँग भेटवार्ता गरेका थिए ।