ओसाकामाथि पिएसजीको सानदार जित

एनपीएलको तेस्रो संस्करणलाई आईसीसीको औपचारिक मान्यता

नेपालवाच २०७९ साउन १० गते ९:०४

काठमाडौं । पेरिस सेन्ट जर्मेन (पिएसजी) ले गाम्बा ओसाकालाई फराकिलो गोल अन्तरमा पराजित गरेको छ । प्रि–सिजन टुरअन्तर्गत गएराति सम्पन्न मैत्रीपूर्ण खेलमा पिएसजीले ६–२ गोल अन्तरको सानदार जित निकालेको हो ।

पिएसजीका लागि नेयमारले दुई, बाब्लो सराबिया, लियोनल मेसी, एमबाप्पे र नुनो मेन्डिसले समान एक÷एक गोल गरे ।

ओसाकाका लागि केइसुके कुरोकावा र हिरोटो यामामीले गोल गरेका थिए ।

जापान भ्रमणमा रहेको पिएसजीले निकालेको यो तेस्रो जित हो । यसअभि उसले कावासाकी र उरावा रेड डाइमण्डलाई हराएर पोल्टामा जित पारेको थियो ।