काठमाडौं । गत जेठ १४ गते राति बजेट निर्माणमा अनधिकृत व्यक्तिहरू संग्लग्न गराएको प्रकरणमा मुछिएपछि तत्कालीन अर्थमन्त्री जनार्दन शर्मामाथि छानबिन भइरहेको छ । यसका लागि संसदीय विशेष समिति गठन भएको छ ।

सुरुमा समितिले १० दिनको समय लिएको थियो । त्यो नपुगेर ७ दिन थपिएको थियो ।

यसैबीच, समितिले गृह मन्त्रालयसँग सिंहदरबार गेटको जेठ १५ सम्मका दुवै गेटका सिसिटिभी फुटेज मागेको थियो । तर, गृहले भने सो फुटेज मेटिएको जवाफ दिएको छ ।

छानबिन समितिका एक सदस्यका अनुसार मन्त्रालयले १६ दिन अवधिकोभन्दा अघिको फुटेज नभएको भन्ने जवाफ दिएको छ।

यद्यपि, समितिले अर्थ मन्त्रालयभित्रको सिसिटिभी फुटेज भने पाएको छ । तर, त्यो पनि धेरै मधुरो भएको बताइएको छ ।

यसअघि मेटाइएको भनिएको फुटेज मन्त्रालयमा रहेको हार्डडिस्कबाट रिकभर गरिएको हो ।

सिसिटिभी फुटेज प्रकरण : प्रहरी रिपोर्टको सिल खोलियो, अब विज्ञसँग परामर्श गरिने