काठमाडौं । भारतीय वायुसेनाको मिग–२१ लडाकु विमान राजस्थानको बारमेर जिल्लामा बिहीबार राति दुर्घटनाग्रस्त भएको छ ।

समाचार एजेन्सी पीटीआईले बारमेरका जिल्ला मजिस्ट्रेट लोकबन्धुलाई उद्धृत गर्दै बैतुको भीमदा गाउँ नजिकै विमान दुर्घटना भएको जनाएको छ ।
विमानमा दुई पाइलट सवार रहेको बताइएको छ । पीटीआईका अनुसार यस दुर्घटनामा दुवै पाइलटको मृत्यु भएको छ ।

भारतीय वायुसेनाले यस दुर्घटनामा ज्यान गुमाएका दुवै पाइलटको मृत्युमा शोक व्यक्त गर्दै परिवारसँग उभिन आग्रह गरेको छ।

सोही क्रममा वायुसेनाले दुर्घटनाको कारण पत्ता लगाउन कोर्ट अफ इन्क्वायरीको आदेश दिएको छ ।

एएनआईका अनुसार रक्षामन्त्री राजनाथ सिंहले भारतीय वायुसेना प्रमुख एयर चिफ मार्सल बिआर चौधरीसँग दुर्घटनाबारे जानकारी लिएका छन् ।