उड्नेबित्तिकै यतीको जहाजको इन्जिनमा समस्या देखिएपछि पोखरा फर्काइयो

वर्षमा एक दिन खुल्ने तलेजु भवानी मन्दिर भोलि सर्वसाधारणका लागि खुला

उड्नेबित्तिकै यतीको जहाजको इन्जिनमा समस्या देखिएपछि पोखरा फर्काइयो

नेपालवाच २०७९ साउन १३ गते १०:५७

काठमाडौं । आज विहान पोखराबाट काठमाडौंका लागि ‘टेक अफ’ गरेको यती एयरलाइन्सको एटिआर ७२ जहाजको इन्जिनमा खराबी देखिएपछि पोखरा फर्काइएको छ ।

एयरलाइन्सका प्रवक्ता सुदर्शन बर्तौलाका अनुसार जहाज उडेको ६ मिनेटमै इन्जिनमा समस्या देखिएको थियो । ‘जहाजको इन्डिकेटरले बायाँ इन्जिनले रेड लाइट देखायो,’ उनले भने, ‘थप जोखिम नमोल्ने भनेर जहाजलाई पोखरा नै फर्काइएको हो ।’

विहान ८ बजे पोखराबाट उडेको जहाजमा ४५ जना यात्रु सवार थिए । हाल जहाज इन्जिनियरहरूको निगरानीमा रहेको उनले बताए ।