एजेन्सी । बलिउड अभिनेता सलमान खानलाई मुम्बइ प्रहरीले हतियार राख्नका लागि लाइसेन्स दिएको छ । केही दिनअघिमात्रै सलमानले आत्मरक्षाको लागि भन्दै हतियार राख्ने अनुमति माग गरेका थिए । गत ५ जुनमा सलमानलाई ज्यान मार्ने धम्की आएको थियो ।

उक्त धम्की आएदेखि उनी आफ्नो सुरक्षाका विषयमा चिन्तित छन् । सुरक्षालाई मध्यनजर गर्दै सलमानले आफ्नो कारलाई पनि ‘अपग्रेड’ गराएका छन् । उनले आफ्नो ल्याण्ड क्रुजर कारलाई बुलेटप्रुफ बनाएका छन् र गाडीमा आर्मर लगाएका छन् । कारको सिसालाई पनि बुलेटप्रुफ बनाइएको छ ।

आफ्ना बाबु सलिम खानसँग मर्निङ वाकमा रहेकोबेलामा सलमानलाई ज्यानमार्ने धम्की आएको थियो । धम्की आएसँगै प्रहरीलाई खबर गरेपछि मुम्बइ प्रहरीले उनको सुरक्षा निगरानी बढाएको थियो । हाल उनी ‘कभी ईद कभी दिवाली’ को सुटिङमा व्यस्त छन् ।