काठमाडौं । सुशासन र राष्ट्रियताको वकालत गरिहेका अभियन्ता स्वागत नेपालले आगामी संसदीय निर्वाचनमा एमाले अध्यक्ष केपी शर्मा ओलीविरुद्ध लड्ने घोषणा गरेका छन् ।

उनले ओलीको क्षेत्र झापा क्षेत्र नम्बर २ बाट उम्मेदवारी दिने घोषणा गरेका हुन् ।

राइट टु रिजेक्टका प्रणेता तथा अधिवक्तासमेत रहेका नेपालले उन्नत लोकतान्त्रिक पार्टी गठन गरेका छन् । त्यसैको तर्फबाट साझा उम्मेदवारको रुपमा आफूले चुनाव लड्न चाहेको उनले बताएका छन् ।

देशैभरका स्वतन्त्र समूह, सक्षम व्यक्तित्वहरू संसद्मा पुगेर एमसिसी र नागरिकता विधेयकका राष्ट्रघाती मुद्दा खारेज गर्ने, राइट टु रिजेक्ट, रिकल लगायतका एजेण्डामा सहमत सबै साथीहरूको साथ रहने उनले विश्वास गरेका छन् ।