चुनावका लागि दल दर्ता आह्वान, गठबन्धन दलले एउटै चिह्नबाट लड्न पाउने
काठमाडौं । निर्वाचन आयोगले आगामी मंसिर ४ मा हुन लागेको प्रतिनिधिसभा र प्रदेशसभा चुनावका लागि दल दर्ताको आह्वान गरेको छ । आयोगको शुक्रबार बसेको बैठकले १० दिनको समय दिएर दल दर्ता गर्न आह्वान गरेको हो ।
आइतबारदेखि दल दर्ता गर्न आह्वान गरिएको आयोगले शुक्रबार एक सूचना जारी गर्दै जनाएको छ ।
यसअघि आयोगमा दर्ता भएका दलहरूले पनि चुनावको प्रयोजनका लागि पुनः दर्ता गर्नुपर्ने व्यवस्था रहेको आयोगले जनाएको छ ।
आयोगमा हालसम्म एक सय १६ वटा राजनीतिक दल दर्ता भएका छन् ।
यस्तै, आयोगले दुई वा त्योभन्दा बढी दलले गठबन्धन गरेर एउटै निर्वाचन चिन्हबाट निर्वाचन लड्न खोजेमा त्यो सुविधा पाउने भएका जनाएको छ ।
राजनीतिक दलसम्बन्धी ऐन, २०७३ को दफा ४९ मा दुई वा सोभन्दा बढी दल एकल निर्वाचन चिन्ह लिई निर्वाचनमा भाग लिन पाउने व्यवस्था गरेको छ । त्यसका लागि दुई वा बढी दलले कुनै दलको निर्वाचन चिन्ह लिएर संयुक्त रुपमा निर्वाचनमा भाग लिन पाउनेछन् । उनीहरूले आफूहरूको बाहेक अन्य कुनै निर्वाचन चिन्ह लिएर पनि निर्वाचनमा जान पाउनेछन् ।
यसले पाँचदलीय सत्ता गठबन्धन र साना दललाई फाइदा पुग्ने देखिन्छ ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया