काठमाडौं । प्रमुख प्रतिपक्षी एमालेका सांसद गोकुल बाँस्कोटाले संसद्मै संघीयतामाथि प्रश्न उठाएका छन् ।

आज संसद् बैठकमा विशेष समय लिएर बोल्दै उनले खर्चिलो संघीयताले जनता आजित भएको बताए ।

पाँच वर्षमा पनि जनताले संघीयता फेला नपारेको बाँस्कोटाले बताए ।

‘संघीय सरकारका ३–४ वटा टायरका कुराले जनता आजित भइसकेका छन् । तर, संघीयता फेला पार्न सकेका छैनन् । स्थानीय तहमा कर्मचारी छैनन् । प्रहरीलाई ८–९ सय संसद र मन्त्रीको सलामी गर्दै ठीक्क छ । जनता असुरक्षित छन्,’ उनले भने ।

पूर्वसञ्चारमन्त्री बाँस्कोटाले यसअघि पनि सामाजिक सञ्जालमा संघीयतामाथि बारम्बार प्रश्न उठाउने गरेका थिए । आज भने संसद्मै यसबारे बोलेका हुन् ।

संघीयता कसैको माग नभएको तर हचुवाका भरमा ल्याइएको उनले बताए ।

बाास्कोटा एमाले अध्यक्ष केपी शर्मा ओलीनिकट मानिन्छन् । यसैले उनको बोली ओलीकै बोली हुनसक्ने विश्लेषण गर्न सकिन्छ ।

न्यायालयको शुद्धताका लागि चोलेन्द्रविरुद्ध महाभियोग ल्याइएको हो : सांसद संग्रौला