युएईको लिगका लागि सन्दीप मार्की खेलाडी
काठमाडौं । नेपाली राष्ट्रिय क्रिकेट टोलीका कप्तान सन्दीप लामिछानेलाई युएईमा आयोजना हुने इन्टरनेसनल लिग (टि–ट्वान्टी)का लागि मार्की खेलाडीको रुपमा अनुबन्ध गरिएको छ ।
युएईको फ्रेन्चाइज क्रिकेटका लागि लेग स्पिनर सन्दीप मार्की खेलाडीको रुपमा अनुबन्ध भएको युएईको क्रिकेट संघले जनाएको छ ।
प्रतियोगिता जनवरी ६ देखि फेब्रुअरी १२ तारिखसम्म दुबई, अबुधावी र शारजाहमा हुने संघले जनाएको छ ।
विभिन्न ६ टोलीको सहभागिता रहने प्रतियोगितामा सन्दीपसहित २० खेलाडीलाई मार्की खेलाडीको रुपमा अनुबन्ध गरिएको हो ।
प्रतियोगितामा कुल ३४ खेल हुनेछन् । यो पहिलोपटक हुन लागेको फ्रेन्चाइज लिग हो ।
प्रतिक्रिया