काठमाडौं । नेकपा (एमाले)का नेता डा. भीम रावलले नेपालले भारतसँगको आफ्नो सीमानामा काँडेतार लगाउनुपर्ने बताएका छन् ।

बुधबार काठमाडौंमा कलाकार नवल खड्काले निर्माण गरेको चलचित्र ‘काँडेतार’का बारेमा जानकारी दिन आयोजित कार्यक्रममा उनले यस्तो बताएका हुन् ।

‘भारतले बंगलादेशसँगको आफ्नो सीमानामा काँडेतार लगाएको छ । अब नेपालले पनि भारतसँग आफ्नो सीमानामा काँडेतार लगाउनु पर्छ,’ उनले भने ।

सीमानामा काँडेतार लगाउनु केवल फलामे तार लगाउने नभएको बरु यो देशको सुरक्षाको अभिव्यक्ति भएको रावलले स्पष्ट पारे ।

‘धेरै राष्ट्रहरूले आफ्नो सीमाको रक्षाको लागि पर्खाल लगाएका उदाहरण छन्,’ उनले स्पष्ट पारे ।

पूर्वउपप्रधानमन्त्रीसमेत रहेका रावल पछिल्लो समय राष्ट्रवादी मुद्दा लिएर अघि बढिरहेका छन् ।