काठमाडौं । नेकपा (एमाले)का नेता डा. भीम रावलले नागरिकता विधेयकको विरोध गर्दै संसद्मा कविता सुनाएका छन् ।

नागरिकतासम्बन्धी विधेयकको छलफलका क्रममा बिहीबार प्रतिनिधिसभामा उनले कविता सुनाएका हुन् ।

रावलले रोष्ट्रममा आफ्नो धारणा राख्नुअघि कविता सुनाएका हुन् ।

यस्तो छ कविता :

देशको हाल के भन्नु यहाँ गोलमाल र बेहाल छ

नागरिकताजस्तो सस्तो छ साह्रै स्वाधीनता दाउमा छ ।

नेता रावलले नागरिकता विधेयक फिर्ता गर्ने राष्ट्रपति विद्यादेवी भण्डारीको कदमको पक्षमा वकालतसमेत गरे । उनले सो निर्णय उचितमात्र नभइ राष्ट्रियता रक्षाका लागि कर्तव्य नै भएको भन्दै प्रशंसा गरे ।

सत्तारुढ दल राष्ट्रिय जनमोर्चाकै सांसद दुर्गा पौडेलले पनि नागरिकताको विरोध गरेकी थिइन् ।

संसद्मा नागरिकता विधेयकमाथि छलफल : कसले के भने ?