काठमाडौं । आज श्रीकृष्ण जन्माष्टमी । आज देशभर कृष्ण मन्दिरहरूमा हिन्दू धर्मालम्बी भक्तजनको घुँइचो लागेको थियो ।

पाटनको कृष्ण मन्दिरमा पनि भक्तजनहरूको घुँइचो देखिएको थियो । भक्तजनहरूलाई दर्शनका लागि व्यवस्थित ढंगले लाइनको व्यवस्था गरिएको थियो ।

भीडभाड भएकाले कोरोना संक्रमण नफैलियोस् भन्नका लागि स्यानिटाइज गरिएको थियो ।

भक्तजनले आफ्ना बालबालिकालाई श्रीकृष्णको जस्तो पोसाक लगाइदिएर सिंगारपाटारसहित ल्याएका थिए । बालबालिकाको तस्बिर खिच्न अभिभावकहरू रमाइरहेका देखिन्थे ।

भक्तजनको स्वास्थ्यलाई ध्यानमा राखेर हेल्थ डेस्कको समेत व्यवस्था गरिएको थियो । पानी र माक्स पनि निःशुुल्क ब्यवस्था गरिएको थियो ।