काठमाडौं । सरकारले सहसचिव नारायण शर्मा दुवाडीलाई सचिवमा बढुवा गरेको छ । आजको मन्त्रिपरिषद्को बैठकले दुवाडीलाई सचिवमा बढुवा गर्ने निर्णय गरेको मन्त्रालय स्रोतले बतायो ।

यसअघिको बैठकमा पनि उनको नाम पटक पटक बढुवाका लागि सिफारिस भएका थिए । स्रोतका अनुसार हाल उद्योग, वाणिज्य तथा आपूर्ति मन्त्रालयमा कार्यरत दुवाडीलाई सुदूरपश्चिम प्रदेशमा मुख्य सचिवका रूपमा खटाउने निर्णय भएको छ ।

हाल प्रधानमन्त्री तथा मन्त्रिपरिषद्को कार्यालयका सचिव लक्ष्मण अर्यालले अवकास पाएसँगै प्रशासनतर्फ सचिव पद रिक्त थियो । सोही पदपूर्तीका लागि लोकसेवा आयोगको बढुवा समितिको बैठकले त्यसका लागि दुवाडीसँगै घनश्याम उपाध्याय र दिनेश घिमिरेको नाम पनि सिफारिस गरेको थियो ।