काठमाडाैं । बीमा रकमको लोभमा परेर दाङको घोराहीमा चार दलद्वारा आह्वान गरिएको बन्दको मौका छोपी आफैँले चलाउँदै आएको टिप्परमा चालक र सहचालक मिलेर आगो लगाएका छन् ।

उनीहरूले घोराही(लमही सडकखण्डको बबई खोला पुलमा रा १ ख १६९४ नम्बरको टिप्परमा आगो लगाइएको प्रहरीले जनाएको छ ।

जिल्ला प्रहरी प्रमुख एसपी सुरेश काफ्लेका अनुसार चालक अरुण चौधरी र सहचालक आकाश चौधरीले आफैँले चलाउँदै आएको टिप्परमा आगो लगाएको पुष्टि भएपछि उनीहरूलाई नियन्त्रणमा लिइएको छ ।

घटनाबारे थप अनुसन्धान भइरहेको प्रहरिले जनाएको छ ।