काठमाडौं । पूर्वमन्त्री तथा एकीकृत समाजवादीका सचिव रामकुमारी झाँक्रीले दबाबका कारण उपत्यकाका अतिक्रमित संरचना हटाउन नसकेको बताएकी छिन् ।

काठमाडौंका मेयर बालेन शाहको कामप्रति शुक्रबार ऐक्यबद्धता जनाउँदै आफूलाई जस्तो दबाब बालेनलाई नआउने उनले विश्वास लिएकी छिन् । बालेनको काममा आफ्नो सँधै समर्थन र सहयोग रहने बताएकी छिन् ।

‘वाग्मती करिडोरका अतिक्रमित ४१ वटा संरचना हटाईसकेको थिएँ’, उनले सामाजिक संजाल फेसबुकमा लेखेकी छिन् ‘स्थानीय तहको निर्वाचन आइरहेको छ, अहिले नगरौं भन्ने दबाब आयो । निर्वाचनपछि पुनः हटाउन सुरू गरें तर मेरो कार्यकाल लामो रहेन । बालेनकाे कामप्रति मेराे सँधै साथ र सहयाेग रहनेछ ।’

मेरो समर्थन मेयर बालेन जीलाई !

१. यसपछि अब पालो हुनेछ उपत्यकाका नदी किनारका अतिक्रमण हटाउने।
२. मैले बागमति करीडोरका ४१ वटा अतिक्रमित संरचना हटाएईसकेको थिएँ।
३. निर्वाचन आएकोछ यसले नगरौ भन्ने दवाव आयो र स्थगन गर्न पर्यो।
४. स्थानीय चुनावपछि २०७९ जेठ २ गतेबाट फेरी हटाउन सुरू भएको थियो।
५. मेरो कार्यकाल लामो रहेन।मेयर बालेनजी र मैले केही योजना बनाएका थियौं।
६. सुरुम्वासीको नाममा अतिक्रमण भएका स्थानहरूलाई खाली गर्ने कामको पनि केही योजना बनेको छ।
७. मलाई जस्तो दलिय दवाव मेयर बालेन जीलाई हुदैन।
८. I am always with you, behind you. keep it up.
९. ईमान्दार प्रयासहरू सफल हुन्छन।