च्याम्पियन्स लिग ड्र सार्वजनिक : कसको प्रतिद्धन्द्धी को ?
काठमाडौं । युरोपियन च्याम्पियन्स लिग फुटबलको समूह चरणको ड्र सार्वजनिक गरेको छ ।
नयाँ सिजनका लागि युरोपियन फुटबल एशोसिएसन (युइएफए)ले बिहीबार राति समूह चरणको ड्र सार्वजनिक गरेको हो ।
जसअनुसार ६ पटकको विजेता जर्मन क्लब बायर्न म्युनिख र पाँच पटकको विजेता बार्सिलोना एकै समूहमा परेका छन् ।
बायर्न र बार्सिलोना समूह ’सी’ मा छन् । यो समूहमा इटालियन क्लब इन्टर मिलान र चेक क्लब भिक्टोरिया प्लेजन पनि रहेका छन् ।
साविक विजेता रियल म्याड्रिड भने समूह ’एफ’ मा परेको छ ।
समूह समूहमा स्पेनिस क्लब रियलसँगै जर्मन क्लब आरबी लाइपजिग, युक्रेनी क्लब शाख्तर डोनेक्स्ट र स्कटिस क्लब सेल्टिक रहेका छन् ।
यस्तै, यस समूह ’ए’मा डच क्लब आयाक्स, इंग्लिस क्लब लिभरपुल, इटालियन क्लब नापोली र स्कटिस क्लब रेन्जर्स रहेका छन् ।
समूह ’बी’मा पोर्चुगिज क्लब पोर्टो, स्पेनिस क्लब एट्लेटिको म्याड्रिड, जर्मन क्लब बायर लिभरकुसेन र बेल्जियन क्लब ब्रुग रहेका छन् ।
यसैगरी, समूह ’डी’मा जर्मन क्लब फ्रान्कफर्ट, इंग्लिस क्लब टोटेनहम हटस्पर्स, पोर्चुगिज क्लब स्पोर्टिङ सिपी र फ्रेन्च क्लब मार्सेई रहेका छन् ।
समूह ’ई’मा इटालियन क्लब एसी मिलान, इंग्लिस क्लब चेल्सी, अष्ट्रियन क्लब साल्जवर्ग र क्रोएसियन क्लब डिनामो जाग्रेब रहेको छ ।
समूह ’जी’ मा इंग्लिस क्लब म्यानचेस्टर सिटी, सेभिया, स्पेनिस क्लब बोरुसिया डर्टमण्ड र डेनिस क्लब कोपेनहेगन रहेका छन् ।
समूह ’एच’मा फ्रेन्च क्लब पेरिस सेन्ट जर्मेन (पिएसजी), इटालियन क्लब युभेन्ट्स, पोर्चुगिज क्लब बेन्फिका र इजरायली क्लब मकाबी हाइफा रहेका छन् ।
प्रतिक्रिया