काठमाडौं । पाँच खेलको ती २० सिरिज अन्तर्गत चौथो खेलमा केन्याले नेपालविरुद्ध टस जितेर ब्याटिङ रोजेको छ ।

आइतबार पनि केन्याले टस जितेर १५६ रन बनाएको थियो । तर नेपालले तीन बल बाँकी छँदै जित हात पार्दै सिरिजमा २–१ ले अग्रता लियो ।

चौथो खेलमा केन्या हारे नेपालले सिरिज जित्नेछ । सिरिजमा कायम रहन केन्यालाई आजको खेल जित्नैपर्ने अवस्था छ ।

केन्याले खेल जिते सिरिज २–२ को अवस्थामा पुग्नेछ । जसमा अन्तिम खेलले सिरिजको टुंगो लगाउनेछ ।

खेल नेपाली समय अनुसार पौने ४ बजे सुरु हुनेछ ।