काठमाडौं । निर्वाचन आयोगले आसन्न मंसिरमा हुने निर्वाचनका लागि १ असोजबाट आचारसंहिता कार्यान्वयनमा ल्याउने तयारी गरेको छ ।

आयोगले विगतको अभ्यासअनुसार समानुपातिकतर्फको बन्दसूची बुझाउने समयलाई आधार मानेर आचारसंहिता लागू गर्ने तयारी गरेको हो ।

आयोगका सहायक प्रवक्ता सूर्यप्रसाद अर्यालका अनुसार, समानुपातिकतर्फको बन्दसूची बुझाउने समयअगावै आचारसंहिता लागू हुने सम्भावना छ ।

आयोगले यही भदौ १३ गते आचारसंहिता राजपत्रमा प्रकाशित गरेको थियो आचारसंहिता चुनावी प्रचारप्रसारमा राष्ट्रिय झण्डा प्रयोगको अनुमति दिने, विदेशी नम्बर प्लेटको सवारी प्रयोगमा रोक लगाउनेलगायत व्यवस्था गरिएको छ ।