काठमाडौं । सरकारले बेलायतकी महारानी एलिजाबेथ द्धितीयको निधनमा तीन दिनसम्म शोक मनाउने निर्णय गरेको छ ।

आज बसेको मन्त्रिपरिषद्को बैठकले यस्तो निर्णय गरेको हो ।

बेलायती महारानीको सम्मानमा ०७९ भदौ २५ देखि २७ गतेसम्म तीन दिन शोक मनाउने र नेपालभरका सरकारी कार्यालय एवं विदेशस्थित नेपाली राजदूतावास र नियोगहरूमा राष्ट्रिय झण्डा आधा झुकाउने निर्णय गरेको मन्त्रिपरिषद स्रोतले जनाएको छ ।