तोलामा ७ सयले घट्यो सुनको मूल्य

चितवन: दसैँमा ३० करोडभन्दा बढीको खसी-बोकाको व्यापार हुने अनुमान

नेपालवाच २०७९ भदौ २९ गते ११:४०

काठमाडौं । केहि दिनयता लगातार घटेको सुनको मूल्य बुधबार पनि तोलामा ७ सय रुपैयाँले घटेको छ । सुनचाँदी व्यवसायी महासंघका अनुसार आज सुन तोलामा ९२ हजार ८०० रुपैयाँमा कारोबार भइरहेको छ ।

मंगलबार सुन प्रतितोला ९३ हजार ५०० रुपैयाँमा कारोबार भएको थियो । त्यस्तै, आज तेजाबी सुन ९२ हजार ३०० रुपैयाँ कायम भएको छ भने चाँदीको मूल्य तोलामा १० रुपैयाँले घटेर ११ सय ७५ रुपैयाँ पुगेको महासंघले जनाएको छ ।

मंगलबार चाँदी तोलाको ११ सय ८५ रुपैयाँ निर्धारण गरिएको थियो ।