शंकर चापागाईं, पाँचथर । संविधान दिवसका अवसरमा फिदिम नगरपालिका वडा न २ स्थित बृद्ध आश्रममा रहेका वृद्ध-वृद्धाहरूलाई फलफूल तथा मिठाई वितरण गरिएको छ ।

एकीकृत समाजवादी निकट विद्यार्थी संगठन अनेरास्ववियू र युवा संघ नेपाल जिल्ला कमिटी पाँचथरको आयोजना आठौँ संविधान दिवसका अवसरमा फलफूल तथा मिठाइ वितरण गरिएको हो ।

कार्यक्रम एकीकृत समाजवादीका जिल्ला कमिटी अध्यक्ष कमलप्रसाद जबेगूको आथित्यतामा युवा तथा विद्यार्थी उपस्थितिमा सम्पन्न भएको अनेरास्ववियू पाँचथरका अध्यक्ष योगेन्द्र बेघाले जानकारी दिए ।

कार्यक्रममा प्रमुख अतिथि जवेगूले आश्रममा रहेका बुद्ध-वृद्धाहरूलाई आइपर्ने समस्या समाधानका लागि आवश्यक सहयोग गर्ने प्रतिबद्धता व्यक्त गरेका थिए ।