उत्तर प्रदेशका पूर्वमुख्यमन्त्री मुलायम सिंह यादवको निधन
काठमाडौं (एजेन्सी) । भारतीय समाजवादी पार्टीका संस्थापक तथा उत्तर प्रदेशका पूर्वमुख्यमन्त्री मुलायम सिंह यादवको निधन भएको छ । अक्टोबर २ मा गुरुग्रामको मेदान्त अस्पतालमा भर्ना भएका उनको त्यही उपचारका क्रममा सोमबार ८ः१६ बजे मृत्यु भएको हो ।
उनी ८२ वर्षका थिए ।
आइतबार मेदान्त अस्पतालले मुलायम सिंह यादवको स्वास्थ्य अवस्था नाजुक रहेको र जीवन बचाउने औषधि खुवाइएको जानकारी दिएको थियो । पछिल्ला केही दिनयता कैयौं वरिष्ठ राजनीतिज्ञ उनको अवस्था जान्न अस्पताल पुगेका थिए ।
२८ वर्षकै उमेरमा विधायक बन्न सफल सिंहले उत्तर प्रदेशका अतिरिक्त केन्द्र राजनीतिमा समेत आफ्नो सशक्त उपस्थिति देखाउँदै आएका थिए । सरकार निर्माण गर्ने तथा गिराउनेसम्मको हैसियत उनी राख्थे ।
पहलवान र शिक्षक पृष्ठभूमिका मुलायम तीन पटक यूपीको मुख्यमन्त्री र केन्द्रमा रक्षा मन्त्री बने । उनी साहसिक राजनीतिक निर्णय लिने नेताका रूपमा समेत चिनिन्छन् ।
मुलायमको निधनप्रति भारतका विभिन्न नेताहरू दुःख व्यक्त गरेका छन् । भारतीय प्रधानमन्त्री नरेन्द्र मोदीले सिंहप्रति श्रद्धाञ्जली व्यक्त गर्दै प्रजातन्त्रको सेनानीको उपमा दिएका छन् ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया