काठमाडौं । क्रिकेटर मेहर छायाकरलाई अन्तर्राष्ट्रिय क्रिकेट काउन्सिल (आईसीसी) ले १४ वर्षको प्रतिबन्ध लगाएको छ । आईसीसीको भ्रष्टाचार विरोधी न्यायाधीकरणले आईसीसी र क्यानडा क्रिकेटका सात नियम उल्लङ्घन गरेको ठहर गर्दै उनीमाथि प्रतिबन्धनको घोषणा गरेको हो ।

उनलाई आगामी १४ वर्षसम्म सबै किमिसका क्रिकेट खेल्न रोक लगाइएको छ ।

छायाकार युनाइटेड अरब इमिरेट्सका खेलाडी हुन् । उनीमाथि अप्रिल २०१९ मा जिम्बाब्वेविरुद्ध युएई सिरिज र २०१९ मा क्यानडामा भएको जीटी २० प्रतियोगितामा नियम उल्लङ्घन गरेको आरोप छ ।

क्रिकेटमा भ्रष्टाचार फैलाउन संलग्न भएकाले उनलाई लामो समयसम्म प्रतिबन्ध लगाइएको आइसिसीको इन्टिग्रेटी युनिटका महाप्रबन्धक एलेक्स मार्सलले बताएका छन् ।