एजेन्सी । बलिउडका चर्चित जोडी अभिनेत्री कियारा अणवानी र सिद्धार्थ मल्होत्रा विवाह बन्धनमा बाँधिने भएका छन् ।

बलिउड सञ्चारमाध्यमले जनाएअनुसार उनीहरू दुबै अप्रिल २०२३ मा दिल्लीमा विवाह गर्दै छन् । दुवैले केही समयअघि चर्चित रियालिटी शो ‘कफी विथ करण’ मा आफ्नो प्रेम सम्बन्ध स्वीकार गरेका थिए ।

उनीहरूले कोर्ट म्यारिज गरेर विवाहको रिसेप्सन पार्टी दिने जनाइएको छ । विवाहको सबै कार्यक्रम दिल्लीमा हुनाले बलिउडबाट कसैलाई पनि निमन्त्रणा हुन नसक्ने सम्भावना छ ।

उनीहरू दुवैजनाले फिल्म ‘शेरशाह’ मा सँगै काम गरेका थिए । हाल सिद्धार्थ रोहित शेट्टी निर्देशत सिरिज ‘इन्डियन पुलिस फोर्स’ मा व्यस्त छन् । यो सिरिज अमेजन प्राइमबाट रिलिज हुने जनाइएको छ । त्यस्तै, उनी अभिनेता अजय देवगनसँग फिल्म ‘थ्यांक गड’ मा पनि देखिनेछन् ।