काठमाडौं । नेकपा एमालेका नेता भीम रावलले एमाले नछाड्ने घोषणा गरेका छन् ।

आगामी मंसिर ४ को चुनावमा प्रतिनिधसभा उम्मेदवारका लागि अछाम १ बाट एकल उम्मेदवार सिफारिश हुँदा पनि पार्टी अध्यक्ष केपी शर्मा ओलीले उनलाई टिकट दिएनन् । टिकट नपाएका रावलको आगामी राजनीतिक यात्राबारे धेरैको कौतूहुलता थियो ।

आज काठमाडौंमा पत्रकार सम्मेलन गर्दै रावलले पार्टीभित्रै बसेर विद्रोह गर्ने बताएका हुन् । योसँगै उनले आगामी निर्वाचनमा योग्य उम्मेदवार र आफ्नो पार्टीलाई जिताउन सहयोग गर्ने पनि बताएका छन् ।