काठमाडौं । चाडपर्वको अवसरमा अनलाइन भुक्तानी वालेट खल्तिले आफ्ना प्रयोगकर्ताहरूका लागि खल्तीबाट बस टिकट खरिदमा स्मार्टफोन जित्न सक्ने अफर ल्याएको छ । खल्तीमार्फत बस टिकट खरिद गर्ने प्रयोगकर्तामध्ये दुई बिजेताले स्मार्टफोन जित्न सक्नेछन् । यो अफर असोज २७ गतेदेखि कार्तिक २६ गतेसम्म लागु हुने खल्तीले जनाएक छ।

यस अघि पनि भाद्र १९ गते देखि असोज १८ गतेसम्म दशैंको समयमा खल्तीले यही अफर ल्याएको थियो । उक्त अफरमार्फत बस टिकट खरिद गर्ने दुई भाग्यशाली बिजेताले स्मार्टफोन प्राप्त गरेका थिए ।

अफरमा सहभागी हुन खल्ती अकाउन्ट केवाईसी प्रमाणित हुनुपर्ने कम्पनीले जनाएको छ ।

यस अफरको बारेमा खल्तीका प्रमुख कार्यकारी अधिकृत विनय खड्काले भने, ‘नेपालीहरूको महान चाड दशैँ, तिहार र छठ प्रतिको उत्साह र उमंगलाई मध्यनजर गर्दै हामीले डिजिटल भुक्तानी मार्फत् हाम्रा प्रयोगकर्ताको चाडपर्वमा बस टिकट काट्ने प्रक्रिया सरल र सहज बनाउन यो अफर ल्याएका हौं।’