काठमाडौं । निर्वाचन आचारसंहिता उल्लंघन गरेको भन्दै निर्वाचन आयोगले प्रज्ञा प्रतिष्ठानलाई स्पष्टीकरण सोधेको छ ।

प्रतिष्ठानले निर्वाचन आचारसंहिता जारीपछि आजीवन सदस्यता प्रदान, कर्मचारी सरुवा, ग्रेड वृद्धि र करारमा नयाँ कर्मचारी भर्ना गर्ने प्रक्रिया अघि बढाएको थियो । आचारसंहिताले अंकुश लगाएको गतिविधि प्रतिष्ठानले सञ्चालन गरेपछि आयोगले स्पष्टीकरण सोधेको हो ।

स्पष्टीकणमा आयोगले आचारसंहिताविपरीतका कार्य गर्नुको कारण माग गर्दै त्यसलाई अघि नबढाउन निर्देशन दिएको छ ।

आयोगले माओवादी केन्द्रका अध्यक्ष प्रचण्ड, जनमत पार्टीका अध्यक्ष सिके, हाम्रो पार्टी नेपालका अध्यक्ष अनन्तराज नेपाललगायतलाई पनि निर्वाचन आचारसंहिताविपरीतको गतिविधि सञ्चालन गरेको भन्दै स्पष्टीकरण सोधेको छ ।