काठमाडौं । बुधबार सुन–चाँदीको मूल्य घटेको छ । सुनचाँदी व्यवसायी महासंघका अनुसार आज छापावाल सुन तोलामा दुई सय रुपैयाँले घटेर ९३ हजार दुई सय रुपैयाँमा कारोबार भइरहेको छ ।

मंगलबार यसको मूल्य तोलामा ९३ हजार चार सय रुपैयाँमा कारोबार भएको थियो । त्यस्तै, आज तेजाबी सुन तोलामा ९२ हजार सात सय र चाँदी ११ सय ७५ रुपैयाँ निर्धारण गरिएको महासंघले जनाएको छ ।

अघिल्लो दिन तेजाबी सुन तोलामा ९२ हजार नौ सय र चाँदी ११ सय ८० रुपैयाँमा कारोबार भएको थियो । मंगलबारको तुलनामा आज चाँदी ५ रुपैयाँले घटेको हो ।