काठमाडौं । कलाकार मनोज गजुरेलले कमेडियन अपूर्व क्षितिजलाई मानवीयताको आधारमा रिहा गर्न माग गरेका छन् । कमेडी गर्ने क्रममा दिएको अभिव्यक्तिलाई लिएर उनले माफी मागिसक्दा पनि फेरि प्रहरीले उनलाई नियन्त्रणमा लिएपछि मानवीयताको आधारमा रिहाई गर्न गजुरेलले माग गरेका हुन् ।

‘क्षमा माग्नु र क्षमा दिनु नेपाल र नेपालीका साँस्कृतिक पहिचान हुन् । अपुर्वलाई मानवीयताका आधारमा रिहा गर्न अनुरोध गर्दछु उनको मानसिक स्वास्थ्यको विशेष ख्याल गरौं ।’ गजुरेलले भनेका छन्, ‘नोट : कृपया, कमेन्टमा जातीय सद्भाव बढाउने र साँस्कृतिक एकता कायम गर्ने कुरामात्र लेखिदिनुहोला । हामी सद्भाव चाहान्छौँ, भड्काव हैन ।’

नेवार समुदायप्रति लक्षित गर्दै क्षितिजले दिएको अभिव्यक्तिको आलोचना भएपछि उनलाई पहिले पक्राउ गरिएको थियो । उनले माफी पनि मागेका थिए । तर प्रहरीले पहिले रिहाइ गरे पनि फेरि पक्राउ गरेपछि यो पछिल्लो कदमलाई लिएर लिएर सार्वजनिक रुपमा आलोचना भइरहेको छ ।