काठमाडौं । देशभर डेंगु संक्रमणबाट ५१ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार ७७ जिल्लामा फैलिएको डेंगुबाट बिहीबारसम्म ४२ हजार ५०४ जना संक्रमित भएका छन् ।

त्यस्तै, बिहीबार कोरोना संक्रमितको संख्या ५३ पुगेको छ । एक हजार ५७१ जनाको परीक्षणमा पिसीआरबाट ५० र एन्टीजेनबाट ३ जना गरी थप ५३ जनामा संक्रमण देखिएको हो ।

गएको २४ घण्टामा ५१ संक्रमित कोरोनामुक्त भएको मन्त्रालयको विवरणमा उल्लेख छ । हाल देशभर सक्रिय संक्रमितको संख्या ७२७ पुगेको मन्त्रालयले जनाएको छ ।