काठमाडौं । टी २० विश्वकपको सुपर १२ मा बंगलादेशले नेदरल्याण्डसलाई १४५ रनको लक्ष्य दिएको छ । २० ओभरमा ८ विकेट गुमाएर बंगालादेशले नेदरल्याण्डसलाई १४५ रनको लक्ष्य दिएको हो ।

बंगलादेशका लागि  आफिफ हुसेनले ३८, नजमुल हुसेनले २५, मोसादिक हुसेनले २० र सौम्य सरकारले १४ रन बनाए । सकिव अल हसनले ७ रन मात्रै बनाए । बलिङतर्फ पल भान र भास डे लिडेले दुईदुई विकेट लिए ।

ग्रुप बीमा अघिल्लो दिन भारतले रोमाञ्चक खेलमा पाकिस्तानलाई अन्तिम बलमा ४ विकेटले पराजित गरेको थियो । ६/६ टिम रहेका दुवै समूहका शीर्ष दुईदुई टोली सोझै सेमिफाइनलमा पुग्नेछन् । यसैले सबै खेल उत्तिकै महत्वपूर्ण हुनेछन् ।